Një banesë në Vlorë është përfshirë nga flakët në lagjen “Lef Sallata” por fatmirësisht nuk janë shënuar dëme në njerëz. Ka qënë një bombël gazi e vendosur në ballkonin e banesës e cila ka shkaktuar edhe zjarrin, i cili më pas është përhapur në të gjithë shtëpinë. Familjarët kanë dalë menjëherë nga banesa duke lajmëruar dhe zjarrëfikësen e cila fillimisht ka lokalizuar zjarrin në ballkonin e banesës. Sipas shefit të zjarrfikëses Luan Kapaj, fatmirësisht është bërë e mundur nxjerrja e bombulës së zjarrit në kohë, pasi nëse do të shpërthente rrezikoheshin edhe banesa të tjera. Flakët kanë shkaktuar panik edhe te banorët e tjerë të pallatit ku ra zjarri.
